KORONADAL CITY-Wala pa sa gihapon tubtub sa subong sang nabaton nga ayuda ang pila ka mga residente sang Surigao City 4 ka adlaw makaligad nga nagpanalasa ang bagyonga Odette sa Surigao City.
Ini ang nangin pahayag ni Ms. Grace Calaggui, isa ka manunudlo sa Surigao City sa eklusibo nga interview sang Bombo Radyo Koronadal .Suno sa iya, apesar nga nagbisita na si Pangulong Duterte sa mga apektado nga lugar sa Surigao, wala pa nakaabot sa tanan nga apektado nga lugar ang mga ayuda kag naga hingapos na man ang water supply nga mahimo imnon sang mga residente.
Suno pa sa iya, tuman ka kinahanglan gid sang mga residente ang ilimnon nga tubig bangud naga kulang nagid kag naga padala na lamang ang pila ka mga residente sang tubig nga mainom halin pa sa iban nga lugar. Dugang pa sini, wala naman suno pa naga paligo ang mga apektado nga residente kay kulang ang tubig kag may mga tion pa nga naga panglaba naman ang pila ka mga residente sa mahigko nga tubig agud nga mausar pa sa gihapon tubtub sa subong asta mag abot ang mga ayuda halin sa gobyerno
