KORONADAL CITY – Nangin madinilag on kag nangin matwahay ang pagtakop sang filling sang Certificate of Candidacy hindi lamang sa bug os nga pungsod pati man sa probinsya sang South Cotabato.
Ini ang nangin pahayag ni Atty. Jay Gerada ang Provincial Comelec Supervisor sang South Cotabato sa interbyu sang Bombo Radyo Koronadal.
Nagtakop kahapon nga adlaw, Oktubre 8, 2021 takna alas 5 sang hapon ang pag file sang COC’s sang mga aspiring candidates nga magpapili para sa madason nga piniliay.
Suno kay Gerada,pagkatapos nga nakit an ang mga listahan sang mga nagkandidato, ipasa pa ini sa Law Department sa National Comelec agud nga ipaga assess kag ifinalize ang mga listahan sang mga kandidato kag mga partido.
Sa Nobyembre 14, 2021, mahibaluan ang pinal nga listahan sang mga aspirant candidates kag ang posisyon nga ila pagadalaganan// Sa karon, ang maayo na lamang nila nga himuon ang maghulat para sa signal sang National Comelec.
