KORONADAL CITY – Nagapaayo na sa subong sa balay-bululngan ang MSU-Maguindanao Professor nga nakaluwas sa isa ka serye sang pagpangluthang sa bahin sang Barangay Kurimtem Datu Odin Sinsuat Maguindanao kag na patay sini ang mga suspek nga riding-in-tandem criminals.
Ginkilala ni Police Lieutenant Colonel Rommel Dela Vega, Datu Odin Sinsuat Chief of Police ang naka luwas nga propesor nga si Professor Daud Kadon.
Sandig sa inisyal nga imbestigasyon sang mga kapulisan, gina subay ni Kadon ang dalan sang Barangay Kurimtem sa nasambit nga banwa sakay ang iya nga private vehicle sang hinali nga gin dikitan ini ang riding-in-tandem criminals kag ginluthang.
Nakaangkon sang igo ang biktima apang natinguha pa sini nga magbalos batok sa mga suspeks usar ang iya nga 9mm pistol.
Dead-on-the-spot ang isa sa mga suspeks samtang Dead-on-arrival naman ang isa.
Madasig naman nga gindangat sa balay-bululngan ang biktima.
Ginkilala naman ang mga suspek base sa mga IDs sang mga ini nga sanday Montanao Silongan Usman nga residente sang Talitay Maguindanao kag Abdul Ambel Mama nga residente naman sang Barangay Tamontaka Datu Odin Sinsuat Maguindanao.
Narekober naman sa Crime scene ang mga baseo sang mga armas luthang nga gin usar sa insidente.
Sa subong nagapdayon pa ang imbestigasyon sang mga otoridad sa motibo kag mga tawo pa nga posible yara sa likod sang pagpang-ambush.
