KORONADAL CITY – Ginakabig nga hate crime batok sa LGBT members sang motibo sa nagluntad nga pagsigabong sang IED sa Datu Piang, Maguindanao nga nag bilin sang 8 ka pilason, sang gab-i nga sabado.
Ini ang pahayag ni Lt. Col. John Paul Baldomar, tigpamaba sang 6th ID Philippine Army sa interbyu sang Bombo Radyo Koronadal.
Suno kay Baldomar, lunsay mga grupo sang LGBT ang walo ka napilasan sa nag luntad nga pagsigabong nga naga hampang man lang sang volleyball sa covered court.
Dugang pa ni Baldomar, signature sang Bangsamoro Islamic Freedom Figthers (BIFF) ang nagsigabong nga IED.
Apang, nahibaluan suno pa kong ngaa gin target ang nasambit nga lawless group ang mga grupo sang LGBT.
Sa subong, gin doble pa ang seguridad sa Datu Piang kag kaipi nga mga probinsya batok sa posibilidad nga pag-atake sang grupo.
