KORONADAL CITY – Gina hulat sa subong sang mga Filipino Community sa The Hague, Netherlands sa mangin resulta sa imbestigasyon sang International Criminal Court (ICC) sa war on drugs sang Duterte administration nga nagpatay sa kapin 6ka libo sa mga drug personalities humalin pa sadtong tuig 2016.
Ini ang gin pakigbahin sa Bombo Radyo Koronadal ni Bombo International Correspondent Bhong David, isa ka Ilonggo nga anom ka tuig nga naga ubra sa Netherlands kag miyembro sang non government organization nga nag bulig sa mga OFWs sa nasambit nga pungsod.
Suno kay David, nakatutok suno pa ang mga Filipino Community sa Netherlands kag hanyo kon tani sini nga paga sabton sang maayo ni Pangulong Rodrigo Duterte ang mga akusasyon sa iya labi suno pa sa pag kapatay sa mga naulamid sa droga bangud ini ang ginakabig nga crime against humanity.
Bilang mga Pilipino nga yara sa The Hague sa subong katungod suno pa nila nga mahibalaun ang sabat sang presidente angot diri.
Pinaagi suno pa sa imbestigasyon nga mapatud-an sang pangulo nga wala ini sang sala kung paga atubangon ang mga akusasyon batok sa iya.
Sa subong indi suno pa klaro sa mga Pinoy sa Netherlands kung sin-o- nga myimbro sang ICC ang naga panguna sa imbestigasyon sa kaso sang pangulo sang pungsod.
