KORONADAL CITY – Nadakpan ang ginapatihan nga miyembro sang Dawlah Islamiyah sa banhin sang Polomolok South Cotabato.
Ini ang ginpahayag ni PLT Reden Cueavas, Deputy Chief of Police sang Polomolok MPS sa interbyu sang Bombo Radyo Koronadal.
Suno sa opisyal nagpatigayon ang katapo sang kapulisan sang isa ka dako nga operasyon kung diin lakip nga gin arestar ang grupo sang Dawlah Islamiyah nga ginkilala nga amo sanday; Ali Boy Nilong yara sa legal nga edad, residente sang brgy. Lapu Polomolok South Cotabato; Geoffrey Taunadatu Nilong alyas Moy-moy; Prince Jah; Nasrudin Ludsiman Alias Babablu; kag Asiz Macatiguel alias Tadoy.
Sandig sa imbestigasyon, nakuhaan sang mga nagkalain lain nga mga kagamitan ang mga suspek kag lakip na diri ang notebook nga ginabutngan kun paano maghimo sang bomba.
Sa subong yara na sa kostodiya sang kapulisan ang nasambit nga mga suspek.
