KORONADAL CITY – Patay ang isa ka ginakabig nga Intel-officer sang NPA samtang nadakpan naman ang ginakabig nga sekretarya sang mga ini sa sunod-sunod nga operasyon sang mga otoridad sa bahin sang banwa sang Polomolok South Cotabato.
Gin kilala ni PLt. Redin Cuevas, DCOP sang Polomolok MPS ang napatay nga si John Omega Nerbis,Alyas”Parts”,”Bords”,Albay”, temporaryo nga naga puyo sa Block4,Londres Village,Brgy.Cannery Site,Polomolok,South Cotabato kag isa ka EXECOM KOMMID kag isa ka intelligence officer sang Intelligence Unit sa SMRC.
Suno sa opisyal, maga-serbi kuntani ang mga kapulisan sang warrant of arrest batok sa suspect angot sa robbery extortion,kidnapping kag Serious Illegal Detention apang nagbato ini kabangdanan nga napatay ini sang mga otoridad.
Arestado naman si Pamela Anoya Guides-Peñaranda Alias “Manang Yani/Melai” – Secretary, Davao City Urban Committee (DCUC), 3rd Deputy Secretary of Regional City and Town Committee (RCTC), Finance RCTC, SMRC sa gin patigayon nga implementasyon sang warrant of Arrest sang mga otoridad sa batok sa suspek angot sa kaso nga Murder.
Narekober sa posisyon sang suspek ang pila ka mga papeles ,electronic wirings kag isa ka granda.
Sa ngayon, nasa kustudiya na sang Polomolok MPS ang suspek kag nakatalana nga pagasang-atan sang patong-patong nga kaso.
Nahibaluan nga naulamid ang mga suspeks sa asud-asud nga pagpang-atake sa Police Station sa Davao Region,North Cotabato,Tampakan kag South Cotabato sang naglabay nga mga tunuig kag ginakabig nga mga High Value Targets.
