KORONADAL CITY – Tuman ka apektado sa subong pila ka mga residente nga nagapuyo malapit sa suba nga bahin sang Barangay Carpenter Hill ,Koronadal City bangud sa pag-awas sang tubig baha sa flood control system sa nasambit nga lugar.
Ini ang ginpaabot ni Manang Jocelyn Quinoviva, isa sa mga apektado nga residente sa interview sang Bombo Radyo Koronadal.
Suno sa iya, tuman ka apektado ang ila nga palangabuhian labi na ang ila nga mga fingerlings nga bag-o lang buya sa ila nga fishpond.
dugang pa ni Manang Jocelyn sa tion na nga nagluntad ang baha, awtomatiko nga gin sarap nila tanan ang ila nga mga isda sa pagpati nga mahingagaw pa ini apesar tion na sang kagb-ihon.
Pahayag pa sini, apektado man ang pila ka mga palayan sa lugar, bangud sa pagalwak sang tubig sa tulay nga barado na sang mga ruruk nagikan sa bukid nga sakop sang Barangay Saravia.
