KORONADAL CITY – Patay sang masapwan ang isa ka estudyante matapos nga luthangon ang iya nga kaugalingon sa banwa sang Lake Sbu South Cotabato.
Ini ang ginpahayag ni PSMg Roldan Apostol, Chief Investigator sang PNP Lake Sebu sa interbyu sang Bombo Radyo Koronadal.
Ginkilala ang biktima nga isa ka lalaki, 19 anyos kag residente sang Barangay Talisay sa nasambit nga lugar.
Sandig sa imbistigasyon, nga bag o pa man nagluntad ang insidente, natukiban na sang lolo sang biktima nga permi na ini nagaisahanon sa iya nga kwarto kag nagahampang sang isa ka online mobile.
Apang pag kaaga nalamang nakit an sang lolo sang biktima nga wala na gid naga guwa ang iya nga apo kag ulihi niya na nasapwan nga nagapaligo na ini sang iya nga kaugalingon nga dugo.
Ginapatihan man nga gin ustas sang biktima ang iya kaugalingon usar ang kalibre .45 nga armas luthang.
Dugang pa nabatian man snag mga kapitbahay sini nga may naglupok halin sa puluy an sang biktima kag ginpabay an na lamang nila ini kag ang abi nila karito lamang ini sang salakyan nga nagsigabong ilabi na nga lapit lamang ang balay sa National Highway sang nasambit nga biktima.
Sa karon padayon sa gihapon kung ano ang nangin motibo sa nasambit nga insidente.
