KORONADAL CITY – Yara na sa kustodiya sa subong sang mga otoridad ang 2 ka persona nga ginapatihan nga mga grenade carrier makaligad nga naghimo sang eksena ang mga ini sa isa ka checkpoint sa banwa sang Tboli, South Cotabato.
Ini ang ginpahayag ni Police Major Irish Parangan, hepe sang Tboli PNP.
Suno kay PMaj.Parangan , nagluntad ang insidente takna alas 10 sa kagab-ihon sa Sitio Spring, Brgy. Poblacion.
Nangin arogante suno pa ang 2 ka babaye makaligad nga ginsita sang mga kapulisan nga nakabantay sa checkpoint nga wala sang laragway kag kulukasubong nga peke ang mga pangalan nga nakabutang sa ila nga CCTS Card.
Sa maid-id nga pag-imbestigar sang mga otoridad sa iban pa nga mga ID sang mga ini nakita ang 2 ka granada sa ila nga mga sling bags kag kalakip man diri ang sachet sang ginapatihan nga shabu.
Dalayon naman nga gin arestar ang 2 nga sanday Kristine Bansawan Kala (aka Analyn Danian), 22 anyos kag Carla Lasib (aka Mary Jane Sulan), 20 anyos kag lunsay mga residente sang Colonsabac, Matanao, Davao Del Sur.
Sa subong, ginpreparar na ang kaso batok sa ila samtang yara naman sa kustudiya sang T’Boli PNP ang mga nakuha nga mga eksplusibo.
