KORONADAL CITY – Yara sa kapin ka 300 pamilya ang apektado sa subong sang pagkatiphang kag dako nga tension cracks sa 6 ka Sitio sa Barangay Lamcade, Lake Sebu South Cotabato.
Ini ang kinumpirmar ni Barangay Kapitan Joseph Cone sa interbyu sang Bombo Radyo Koronadal.
Suno kay Cone, napagkit ang pagka tiphang sang duta sa Sitio Tbob, Lower Lamlumo kag Upper Lamlumo sa Brgy. Lamcade, Lake Sebu, South Cotabato bangud sa nagapadayon nga pag bubu sang mabaskog nga ulan.
Magluwas sa landslide nagakahanwa sa subong ang mga residente sa padayon nga naga dako nga tension cracks gani nagbakwit nga mga ini sa Tekansad area kag nag butang sang trapal agod temporaryo nga madayonan.
Samtang ginatos naman ka mga indibidwal ang stranded subong sa tatlo ka mga Sitio bangud sa landslide.
Bangud sa nabudlayan nga ma agyan wala naka guwa agod magbakal sang ila nga pagkaon ang mga residente mangin man ang pag pababa sang ila nga mga produkto.
sa subong, nagapangayo ini sang bulig labi na sa pag kaon ang mga residente sa nasambit nga barangay.
