KORONADAL CITY – Nakapagkit na san subong san pagkatiphag sang lupa sa banwa sang Lake Sebu ,South Cotabato bangud sa paghumok sang lupa nga dal aman sang pag-ulan nga ginka-eksperyensyahan sang pila ka parte sang probinsay.
Suno kay MAyor Floro Gandam,alkalde sang Lake Sebu, nagluntad ang pagkatiphag sang duta sa pila ka bahin sang Barangay Lake Lahit sa nasambit nga banwa nga kabangdanan sang pagkadelatar sang pila ka mga motorista nga naga-agi sa nasambit nga lugar.
Dugang pa sang alkalde, ini na ang ikatatlo nga bes nga natiphag ang lupa sa nasambit nga mga barangay.
Magluwas diri, pila ka pagkatiphag man ang napagkit sa Barangay Lamlahak bangud sa tubig baha.
Pahayag pa ni Mayor Gandam, naga patigayon na sang pila ka mga rechanneling sa pila ka parte sang sapa para malikawan ang pag-ilig sang tubig baha pakadto sa pila ka parte sang dalanon.
Sa subong, nagpatawag na ang alkalde sang mga heavy equipments para sa pagpakay-o sang alagyan nga apektado sang nasambit nga pagkatiphag sang lupa para mangin “Fully Passable” na ang pila ka parte sang alagyan.
Naga bulig man ang ahensya sang Department of Public Works and Highways sa lokal nga gobyerno sang Lake Sebu para makay-o ang apektado nga alagyan sa madasig nga mga tinion.
