KORONADAL CITY – Nagapatigayon sa subong sang strategic planning ang City agriculturist sang Koronadal sa kabilugan nga ektarya ng apektado sang padayon nga pagpameste sang black bug sa pilaka parte sang Koronadal.
Suno kay Koronadal City Agriculturist Officer Emelita Miguel, nakabaton na sila sang pila ka mga report nga maga lab-ot sa sinako nga Blackbug ang nagpang-atake sa palayan sang pila ka mga mangunguma nga nangin kabangdanan sang pagkasunog sang mga palay nga kabangdanan man sang pagkaluge sang mga mangunguma.
Dugang pa sang opisyal, seasonal gid lamang ini nga nagakatabo bangud attracted suno pa ang mga Black bug sa mga masanag labi na sa sidlak sang bulan sa kada gab-i.
Gin-ganyat naman sang opisyal ang mga mangunguma nga ilubong na lamang ang sinako nga Black bug sa baylo nga ihaboy ini bangud sa tuman ka baho ang mga ini
Dugang pa sang opisyal, mas maayo nga magpatigayon man sang dululungan nga pagtanom ukon sychronize planting ang mga mangunguma sang palay para ini tuman ka maapektuhan ang isa ka palayan sa tion nga mag pang-atake ang mga peste nga Blackbug ukon pasigahon ang mga suga sa mechanical dryers para didto mag kadto ang mga peste.
