KORONADAL CITY – Nagapadayon ang imbestigasyon sang mga otoridad sa paghikog-patay sang isa ka manunudlo sang Alternative Learning System (ALS) sa Banga, South Cotabato .
Ini ang ginkumpirmar ni Brgy.Sta. Cruz Chairwoman Nimfa Tumilap sa eksklusibo nga interbyu sang Bombo Radyo Koronadal.
Ginkilala ang biktima nga si Daniel Bravante,38 anyos, may asawa kag residente sang Purok Bayanihan, Sta. Cruz, Koronadal City.
Suno sa inisyal nga imbestigasyon, nakita na lamang sang bana sini si Bravante nga nagabitay sa isa ka bahin sang ila kusina gamit ang paha kag wala na sang kabuhi.
Gilayon naman nga gindala ini sa pinakamalapit nga puluy-an apang gindeklarar nga Dead-on-arrival.
Sa subong ginahibalo pa kun may foul play sa kamatayon sang manuudlo.
Dugang pa ni Kapitan Tumilap , indi ni makapati nga depression ang rason sang paghikog sang biktima bangud masinadyahon nga tawo suno pa ini.
