KORONADAL CITY- Nagsungka ang tatlo ka katapu sang rebelde nga NPA lakip na ang mag-amay sa 38th Infantry Battalion sa Palimbang, Sultan Kudarat.
Ini ang ginkumpirmar ni Lt. Col. Anhouvic Atilano, ang Commanding Officer sang 38IB, Philippine Army.
Ginkilala ang mag-amay nga sanday alyas “‘Dennis’ kag “‘Kalbo’ nga lunsay myembro sang Platoon Cherry mobile sang Sub-Regional Committee Daguma.
Suno kay Atilano, nagsungka ang mga ini sa Community Support Program (CSP) Teams sang 38IB nga nakadeploy sa Barangay Napnapon sa Palimbang, Sultan Kudarat kun diin kalakip sa mga ginsungka sang mga rebelde ang ila nga shotgun, caliber 45 pistol kag anum ka rounds sang ammunition.
Samtang, ang isa pa ka nagsungka amo ang 37 anyos kag nagserbe nga squad leader sang SRC Daguma nga si alyas ‘Jose’.
Ginsungka man sini ang iya nga caliber .38 pistol kag (5) rounds sang ammunition.
Suno sa mga ni nakapoy na sila nga magpanago sa kabukiran bangud sa kagutom kag kahidlaw sa ila pamilya rason nga nagsungka ang mga ini.
