KORONADAL CITY – Padayon nga nagapaalinton ang mga otoridad sa mga motorista nga maghalong sa pagmaneho sa dalanon, ilabi na sa maulanon nga paniempo kun sa diin madanlog ang dalan.
Ini ang ginpahayag ni PMaj. Verlin Pampolina sa interbyu sang Bombo Radyo Koronadal kasunod sang nagluntad nga aksidente sa dalanon sa national highway sang Prk. 10, Brgy. Poblacion, sa banwa sang Tupi.
Nagaguwa sa inisyal nga imbestigasyon nga ginamaneho ni Jumar Josol ang Toyota Land Cruiser kaupod ang mga pasahero sini nga sanday Arturo Uy kag Ray Salvaloza, lunsay taga-siyudad sang Koronadal, kag pag-abot sa nasambit nga lugar, hinali suno pa nga nagliko pakadto sa pihak nga direksyon ang Toyota pickup nga ginamaneho ni PCpl. Rolisher Gamueta samtang papauli ini sa banwa sang Polomolok.
