KORONADAL CITY – Plano suno pa sang kampo ni Democratic nominee Joe Biden nga kontrahon ang election results kun magdaog suno pa ang pambato sang Republican Party nga si US President Donald Trump.
Ini ang ginpahayag ni Cheryl Willson nga kasamtangan nga nagapuyo sa Michigan, USA sa eksklusibo nga interbyu sang Bombo Radyo Koronadal.
Suno kay Willson nga tumandok sang Isulan, Sultan Kudarat, nga suno sa iya bana, may nagaguwa nga mga impormasyon nga yara sa 600 ka abugado suno pa ang ginpreparar ni Biden agud pakigbatoan ang mangin resulta sang piniliay kun magguwa nga nagdaog si Trump sa eleksyon.
Dugang ni Willson nga dako suno pa ang tsansa nga magadaog liwat ang US president base sa kadamuon sang mga tawo nga nagatambong sa rally kag sa mga survey.
Sa subong mabatyagan na ang init sang pagpangampanya sang magtimbang nga partido sa ila pagpangluyag sa mga botante labi na sa mga ginakabig nga swing states, kun sa diin isa na diri ang Michigan.
