SOUTH COTABATO – Temporaryo nga ginpauntat sang Department of Education T’boli District ang pagpanagtag sang learning modules sa mga buluthu-an.
Ini ang sandig sa ginpagwa nga direktiba ni Mayor Dibu Tuan sa mga opisyal sang buluthuan.
Nakabutang ang temporaryo nga pagsuspender sang distribusyon umpisa Oktubre 11-16, 2020 bangud sa mga naguba nga dalanon tuga sang mga pag-ulan sining nakaligad nga mga inadlaw kag ang pagsaka man sang numero sang nagpositibo nga kaso sang Covid-19 sa nasambit nga banwa.
Suno kay Mayor Tuan, tinutuyo sini nga masiguro ang kaluwasan sang mga manunudlo kag mga estudyante samtang ginatutukan naman sang local government unit ang rehabilitasyon sang mga naguba nga dalanon kag ang pagsaka sang kaso sang Covid-19.
Kaangot sini, magahatag naman sang gakaigo nga ti-on ang mga manunudlo agud maka-print sang ila nga educational materials.
