KORONADAL CITY – Nangin makahalawat-hawat ang ginpatigayon nga Game 1 sang NBA finals sa tunga sang Los Angeles Lakers at Miami Heat kun sa diin gintutokan ini sang bug-os nga kalibutan.
Madamo man nga mga sports analyst ang nagpakigbahin sang ila mga obserbasyon, kag isa na diri si US Bombo correspondent Daniel Guden.
Sa interbyu sang Bombo Radyo Koronadal kay Guden, ginpahayag sini nga nangin fair and square ang hampang sang magtimbang nga hubon bangud sa wala sang homecourt advantage.
Kasubong nga ginhatagan man suno pa sang leksyon sang mga beterano nga mga players sang Lakers ang mga rookie players sang Heat sa una nga pag-intra sang mga ini sa kampeonato.
Suno pa kay Guden, dako nga mga adjustment ang dapat himoon sang Heat labi na sa pag-atubang kay Lebron James bangud nangin player man ini sadto sa nasambit nga team, gani nakahibalo siya kun ano ang mga taktika agud malutos si Lebron.
Apang gindugang ni Guden nga posible nga maagaw sang Heat ang kampeonato kun masami nga igasulod ang ila nga mga pambato kasubong nanday James, Anthony Davis kag Rajon Rondo kag sa ulihi makapoy ang mga ini.
GAME 1 SANG LAKERS KAG HEAT, NANGIN FAIR AND SQUARE- SPORTS ANALYST.
KORONADAL CITY – Ginbantayan indi lamang sang bug-os nga Estados Unidos apang sang bug-os nga kalibutan ang gin-angan-anganan nga NBA finals sa tunga sang Los Angeles Lakers kag sang Miami Heat sa sulod sang NBA bubble sa pihak sang covid-19 crisis.
Apesar wala sang mga fans nga personal nga nagpadulong mismo sa nasambit nga court bangud sa health protocols apang mabatyagan sa gihapon ang ila tagsa ka mga suporta sa sini nga mga teams halin lamang sa ila ginakahamtangan.
Mangin ang pila ka mga NBA veterans kag si former president Barack Obama ang nagtutok man sa nasambit nga hinampang.
Sa ulihi, gintambakan sang Lakers ang Heat sa score nga 116-98, butang nga ginkalipay sang Lakers fans ang resulta sang Game 1.
Kaangot sini, nagpaguwa sang kaugalingon nga opinyon ang sports analyst kag US correspondent Daniel Guden sa Bombo Radyo Koronadal ang nakit-an niya nga mga puntos nga kabangdanan sang pagkalutos sang Miami.
Suno kay Guden, isa suno pa ini nga dako nga leksyon nga ginhatag sang mga beterano nga mga players sang Lakers sa mga rookie players sang Heat, labi na nga kadam-an sa ila ang nakatilaw sang championship sa una nga tion, ilabi na si Bam Adebayo.
Ini bangud posible nga magdako suno pa ang ulo sang mga ini kun magdaog sila.
Ikaduha, kinahanglan ni Heat coach Erik Spoelstra sang madamo nga mga adjustment agud makalamang sila sa Game 2.
Kag ikatatlo, kinahanglan pa nga mag-adjust ni Andre Iguodala sa hubon sang Heat, humalin sang nagsaylo ini halin sa Golden State Warriors.
