KORONADAL CITY – Nadugangan pa ang kabug-osan nga kaso sang COVID-19 sa bug-os nga rehiyon 12 makaligad napagkit ang mga panibag-i nga kaso nga nagsaka na sa 363.
Base sa ginpaguwa nga datos sang DOH 12, isa ka 6 ka bulan nga lapsag ang napagkit nga pinakalamharon nga pasyente sang COVID 19 sa rehiyon nga taga South Cotabato kag kasamtangan nga ginahibalo pa ang history of exposure sini.
Samtang mas ginpahugtan naman sang banwa sang Polomolok ang pagpatuman sang health protocols makaligad madugangan sang tatlo pa ka kaso sa ila lugar makaligad ginkumpirmar mismo sang alkalde sang banwa nga nakapagkit sila sang local transmission.
Padayon man ang panawagan ni Polomolok Mayor Honey Lumayag Matti sa iya mga nasakupan nga tumanon ang ginpatuman nga mga health protocols kag kun mahimo likawan ang pagkadto sa mga lugar nga madamo sang tawo.
Sa subong nagsaka na sa 253 ang mga nakarecover sa region 12 makaligad napagkit ang 9 nga bag-o nga mga nag-ayo.
