KORONADAL CITY – Boluntaryo nga nagsungka sa mga kasuldadohan ang isa ka high-ranking official sang Bangsamoro Islamic Freedom Fighters (BIFF) kag kaupod sini.
Base sa impormasyon nga nakuha sang Bombo Radyo Koronadal halin sa 6th Infantry Division Philippine Army, nagsungka ang mga ini sa 40th Infantry battalion sa General SK Pendatun, Maguindanao kun sa diin ginkilala ang nasambit nga mga surenderee nga sanday Kumander Abubakar Kauteng alyas “Buba”, isa ka field commander kag ang tinawo sini nga si Kautin Said, nga lunsay kalakip sa Karialan Faction.
Ginsungka man sang mga ini ang ila mga armas nga isa ka M1 Garand rifle kag M-16 armalite rifle.
Gindayaw naman ni Joint Task Force Central kag 6th ID Commander Maj. Gen. Diosdado Carreon ang pagsungka sang duha kag
ginpasiguro ang bulig nga mabaton sang mga ini halin sa gobyerno.
