KORONADAL CITY – Patay ang isa ka ginapatihan nga big-time drug suspect sa ginpatigayon nga drug buybust operation sang mga otoridad makaligad suno pa ini nga magbato sa bahin sang Brgy. Carpenter Hill, siyudad sang Koronadal.
Ginkilala sang mga otoridad ang napatay nga target sang operasyon nga si Richard Bernal alyas Boyet, kag residente sang Prk. Aurora, Brgy. Zone 4 sang nasambit nga siyudad.
Base sa inisyal nga imbestigasyon, nagbalos suno pa sang lupok ang gintingob nga pwersa sang South Cotabato PNP, PDEA-12, kag Regional Police Drug Enforcement Unit sang nagbato si Bernal.
Narekober sa posesyon sini ang pito ka heat sealed transparent sachet nga may unod sang ginapatihan nga shabu, ginabulobanta nga P7,000 nga kwarta, mga basyo sang bala, kalibre 38 nga revolver, karne sang manok kag iban pa nga mga personal nga kagamitan.
Nagluntad pa ang tensiyon sa crime scene sang nagresponder ang Bombo Newsteam sa lugar kag ginbalabagan ini sang mga otoridad kag ginpahog pa nga ilakip sa drug watchlist matapos nga nagkuha sang video nga 10 metros ang kalayuon sa ginluntaran sang shootout.
Naghingyo naman sang pasaylo ang isa sa mga operatiba sa pagpugong sa mga reporter nga magkuha sang video kag picture sa crime scene apang natapos na ang pagpamahog sang isa sa upod sang mga ini.
