KORONADAL CITY – Gin-ako sang New People’s Army nga sila ang responsable sa nagluntad nga pagpangsunog sa tatlo ka heavy equipment sa quarry site sa Sitio Dahlia, Brgy. Edwards, Tboli, South Cotabato kun sa diin naglab-ot sa P20 milyon ang damyos nga tuga sini.
Sa eksklusibo nga interbyu sang Bombo Radyo Koronadal kay Ka Gary Angeles, ang nagpakilala nga spokesperson sang NPA-Far South Mindanao Region, ginhimo nila ang pagsunog sa payloader, backhoe kag dumptruck sang Gemma Construction Company bilang silot suno pa nila sa nasambit nga kumbyohan bangud sa halit nga tuga sini sa kinaiyahan samtang yara suno pa sa pangalan sa idalom sang Build, Build, Build project sang Duterte administration.
Gintawag man suno pa sini nga peke kag recycled ang mga nagaguwa nga report nga madamo nga mga NPA members ang nagsungka kag nagbalik sa sabak sang gobyerno agud magkabuhi nga normal.
Samtang nakapreparar naman ang South South Cotabato Provincial Police Office sa pagsang-at sang kaso batok sa apat ka tawo nga responsable sa pagsunog sa mga heavy equipment.
Dugang ni Provincial Police Director Col. Jemuel Siason, ginkontra man sini ang pahayag ni Ka Gary sa pahayag nga peke ukon recycled suno pa ang pagsungka sang mga NPA rebels sa pahayag nga may yara sila sang database nga ginabasehan kag indi na mahimo batunon ang sin-oman nga ginaaligar nga “recycled” nga rebel returnee.
Padayon man ang panawagan sini sa komunista nga grupo nga magsungka na sa gobyerno bangud nagahulat ang bulig sang gobyerno sa ila.
