KORONADAL CITY – Mahimo na nga makabiyahe buwas nga adlaw ang halos tanan nga mga tricycle sa siyudad sang Koronadal, makaligad ginkakas na ang No Movement Day kada adlaw sang Dominggo bangud sa pagpaidalom sa modified general community quarantine.
Sa interbyu sang Bombo Radyo Koronadal City Traffic Management Unit chief Danilo Asong, mahimo man nga magbiyahe diri ang mga colorum, kag indi man igapatuman ang odd-even scheme sa sulod lamang sang isa ka adlaw.
Ginhatagan punto sang opisyal nga ginhimo ang nasambit nga tikang bilang konsiderasyon sa mga drayber nga wala sang obra bangud sa nasambit nga restriksyon tuga sang covid-19 apang mahimo na nga magbyahe.
Apang ginpaathag sini nga ginapahanugotan sa gihapon ang duha lamang ka pasahero sa isa ka tricycle nga yara sa atubangan kag likod, kag wala sang angkas nga mahimo magsakay, base sa national protocols.
