KORONADAL CITY – Ginpalawig sang South Cotabato provincial government ang pagpatuman sini sang modified general community quarantine tubtob sa Mayo 31, 2020.
Base sa executive order no. 27 nga ginpaguwa ni South Cotabato governor Reynaldo Tamayo Jr, ginbase ang nasambit nga kamandoan makaligad gin-classify ang rehiyon 12 nga yara sa low-risk sang quarantine zones.
Sa nasambit nga bag-o nga EO, kalakip diri ang pag-abri na sang dugang nga mga negosyo agud masustener ang ekonomiya sa probinsya.
Mangin epektibo naman ang nasambit nga kamandoan buwas, Mayo 16.
Apang hugot sa gihapon nga pagaobserbahan ang physical distancing kag ang pagsuksok sang face mask kun sa diin nagapabilin sa alas 9 sa gab-i tubtob alas 5 sa aga ang curfew, kag ang pagdumili sa pagguwa sang mga lamharon kag mga senior citizens lakip na ang mga may balatian.
