KORONADAL CITY – Nagapadayon ang imbestigasyon sang Polomolok PNP nahanungod sa nagluntad nga aksidente sa bahin sang Crossing Palkan, Polomolok, South Cotabato.
Suno kay PLt/Col. Alex Joe Orcajada, ang hepe sang Polomolok PNP nga samtang ginabyahe sang mag-amay nga nakamotorsiklo sa nasambit nga lugar, hinali na lamang ini nga gin-araro sang isa ka oto nga nagresulta sa pagkasunog sang motorsiklo kag ginkapatay sang mag-amay.
Ginkilala ang mga biktima nga sanday Nestor Masaglang, 48 kag bata sini nga si Carlo, 24 anyos kag lunsay residente sang Camali-an Jose Abad Santos, Davao Occidental samtang ginkilala naman ang driver nga si Jan Paul Bayron kag residente sang General Santos City.
Sa subong yara na sa kustodiya sang PNP ang nasambit nga driver makaligad nga gindala ang asawa sini nga ospital.
