KORONADAL CITY – Boluntaryo nga nagsungka ang 16 nga mga katapo sang New People’s Army sa banwa sang Sto Nino sa probinsya sang South Cotabato.
Dala sang mga ini ang matag-as nga mga armas nga ginalakipan sang 12-gauge shotgun, carbine rifle, M1 Garand rifle, mga granada kag mga bala.
Suno sa mga rebel returnees, kapoy na suno pa sila sa pagpakigbato sa gobyerno kag hadlok nga mapatay sa relentless operations sang mga suldado rason nga nagdesisyon sila nga magpanaog kag isungka ang ila mga kaugalingon kag armas.
Luyag man nila nga makaupod ang ila mga pamilya nga madugay na nila nga wala nakaupod humalin sang nag-upod sila sa komunista nga grupo.
Ginpasiguro naman sang mga police kag government officials nga mahatagan sang bulig ang mga ini sandig sa E-CLIP sang Department of Interior and Local Government agud buligan sila nga magbag-o.
