KORONADAL CITY – Ginakabig nga isa ka dako nga accomplishment para sa Philippine Army ang pagsungka sang mga katapo sang Moro Islamic Liberation Front-Bangsamoro Islamic Armed Forces (MILF-BIAF) sa ila mga armas kasunod sa ginpatigayon nga ikaduha nga decommissioning process sa Brgy. Simuay, Sultan Kudarat, probinsya sang Maguindanao.
Ini ang ginpahayag ni Major Rosalina Romay, spokesperson sang 6th ID Philippine Army kag acting chief sang division public affairs office sa interbyu sang Bombo Radyo Koronadal.
Suno kay Major Romay, yara sa 304 nga armas kag ginsungka kag 106 nga 106 nga former combatants naman ang nahatagan sang P100,000 na cash assistance at economic assistance package.
Kalakip na diri ang P500,000 tubtob P1 milyon nga balor sang healthcare assistance, scholarships para sa ila mga bata, pabalay kag negosyo halin sa gobyerno.
Sa subong suno kay Major Romay, wala pa siya nakabalo sa subong kun san-o ipatigayon ang ikatatlo nga decommissioning process.
Nahibaloan nga yara man ang presensiya ni 6th ID commander Major General Diosdado Carreon kag LGU officials agud saksihan ang nasambit nga aktibidad.
