KORONADAL CITY – Natalana nga magapatigayon sang strike ang mga doctor sa Hong Kong bilang pamaagi sang ila pagkontra sa nangin desisyon ni leader Carrie Lam.
Ginpahayag ni Bombo international correspondent Escarlita Landar nga tumandok sang Sto. Nino, South Cotabato, nagaplano ang mga medical professionals nga magpatigayon sang strike batok kay Lam bilang ila pagkontra sa desisyon sang nasambit nga lider nga abrihan ang border sini para sa China.
Ini bangud ginpahayag ni Lam nga dapat suno pa nga buligan ang mga Chinese pinaagi sa pag-abri sa mga medical facilities para sa ila bilang solusyon agud matapos na suno pa ang problema sa coronavirus.
Dugang ni Landar, nahisgotan sang komitiba sang mga doktor nga pagakanselahon man ang mga operasyon sang mga ospital kag clinic.
Samtang nag-abiso man ang konsulada sang Pilipinas sa mga employer nga indi pagpaguwaon ang ila mga Pinay helpers agud indi malatnan sang coronavirus.
