KORONADAL CITY -Ginpasiguro sang Philippine National Police Region 12 nga nakabantay sila para sa ipatigayon nga relief efforts para sa mga apektado sang pag-alburuto sang bulkang Taal.
Ini ang ginpahayag ni PNP-12 spokesperson PLt. Col. Lino Capellan sa interbyu sang Bombo Radyo Koronadal.
Suno kay Capellan, ila na lamang ginahulat ang anuman nga mando ukon igapaguwa nga memorandum halin kay regional director PBGen. Alfred Corpus agud magserbe nga augmenting forces para sa relief efforts sa mga Taal-affected residents.
Samtang ginhatagan punto sang opisyal nga magapabilin suno pa ang mga programa nga ginapatuman ni PNP chief Lt. Gen. Archie Gamboa humalin sang OIC pa lamang ini kasubong sang kampanya batok sa droga, terorismo, kriminalidad kag mas ginpahugtan nga internal cleansing sa ila hubon.
