KORONADAL CITY – Subong pa lamang tuman na nga preparasyon ang ginahimo sang mga katapo sang Integrated Provincial Health Office (IPHO) South Cotabato para sa ikaduha nga hugada sang massive polio vaccination nga natalana sa Enero 20 tubtob Pebrero 2, 2020.
Target subong sang nasambit nga talatapan nga makalab-ot ukon maglapas sa 95% nga vaccination rate ang ila mapagkit, makaligad napaslawan sila sa una nga hugada sang massive vaccination campaign kun sa diin naglab-ot lamang sa 93% ang ila nakuha sa pihak sa pag-extend sang ila kampanya.
Ginpahayag ni South Cotabato Provincial Health officer Dr. Rogelio Aturdido Jr. nga dapat mag-ugyon kag magkooperar ang mga ginikanan kag dal-on man ang ila mga bata agud makuha nila ang nasambit nga target kag masiguro nga luwas ang mga lamharon batok sa risgo nga dala sang polio.
