KORONADAL CITY – Ginabulong na sa hospital ang isa ka pulis nga nakabantay sa checkpoint sa banwa sang Polomolok, South Cotabato matapos nga mabungguan sang isa ka unit sang bus.
Ginkilala ang pilason nga pulis nga si Pol. Col. Celestino Daniel Jr. nga residente sang banwa sang Norala, South Cotabato.
SAndig sa report, ginpapundo ni Daniel ang isa ka unit sang Yellow Bus Line Incorporated (YBL) nga may body number nga 2388 sa checkpoint apang wala ini makapundo gilayon kag nadalasa ang pulis.
Gilayon naman nga ginbuligan ini sang iya mga kaupdanan ang opisyal kag gindala sa pinakamalapit nga hospital.
Magapatigayon kuntani sa ocular inspection ang pulis sa nasambit nga bus bangud sa ila nabaton nga bomb threat matapos ang serye sang pagsigabong sa Central Mindanao.
