KORONADAL CITY- Ginpakita ni Novah Jean Organia nga matuod ang “Girl Power” makaligad siya ang pinaka-una nga successful blood donor nga babaye sa ginpatigayon nga Dugong Bombo 2019 sa syudad sang Koronadal nga ginhiwat sa Koronadal City Hall Ground.
Sa ekslusibo nga interbyu sang Bombo Radyo Koronadal kay Novah Jean Organia,wala na ini sang kahadlok sa dagum bangud ikatatlo na ini nga nagpakigbahin sa pagdonar sang dugo ilabi na sa Bombo Radyo.
Ang tumong sini sa pag donate amuh ang pagbulig sa isigkatawo.
Dugang pa sini nga humalin sang nagdonar ini sang iya hamili nga dugo nangin mamag-an ang iya nga pamatyag kag wala man nagamasakit.
Gin-awhag sini ang mga pumuluyo nga suportahan ang mga programa sang Bombo Radyo Philippines kasubong sang Dugong Bombo.
