16 ka mga Indian national, gin-arestar sa Isulan, Sultan Kudarat

ISULAN, SULTAN KUDARAT– Yara na sa kustodiya sang Isulan Municipal Police Station ang 16 ka mga Indian Nationals matapos nga maarestar kaina sang hapon.

Suno sa Isulan PNP, gindakop ang mga dumuluong sang gintingob nga pwersa sang Bureau of Immigration, Isulan PNP kag Mechanized Brigade Phil Army.

Nahibalyan nga lunsay may negosyo nga pautang ukon 5’6 ang mga gin-arestar nga suno pa wala sang legal nga mga dokumento.

Ginpangitaan man sang ila nga mga pasaporte ang mga ini kag iban pa nga mga dokumento sa pagpabilin sa pungsod.

Sa tion nga mapamatud-an nga expire na ang mga dokumento sang mga ini sa pagpabilin sa pungsod, igapadeport ang mga ini.