KORONADAL CITY– Ginakabalak-an sa karon nga mangin apektado ang recruitment sang Philippine Military Academy makaligad ang kontrobersiyal nga kamatayon ni Cadet 4CL Darwin Dormitorio bangud sa suno pa nagluntad nga hazing.
Nahibaluan nag dako ang mangin epekto sang nasambit nga insidente sa salig angot sa kaluwasam sang mga kadete sa sulod sang PMA kun sa diin pila sa mga Philippine Military Academy Cadet aspirants kag mga ginhikanan ang may pagpangduha-duha na bangud sa natabo.
Samtang sa pihak nga bahin, nagapati naman si SOCSKSARGEN Philippine Military Academy Parents Association Vice President Rogelio Joquiño nga isolated lamang ang mga natabo kag siya mismo bilang ginhikanan sang isa ka PMAyer ang magapamatuod nga maayo ang pagpamalakad sa sulod sang akademiya kag didto man natun-an sang iya bata ang determinasyon agud makasirbe sa pungsod.
Kaangot sini, nagapakig-angot man ini sa pila ka mga ginhikanan sang mga kadete kun sa diin maayo man ang mga kahimtangan sang ila mga kabataan nga nagsulod sa PMA kag gin-awhag sini ang mga aspirante nga indi mahadlok kag ipadayon ang ila mga handom.
Nagakadapat man nga itugyan sa mga otoridad ang imbestigasyon sa kamatayon sang kadete ka pasabton ang mga yara sa likod sini.
