KORONADAL CITY – Padayon nga ginapangita kag ginalagas subong nga tinion sang mga otoridad ang suspek sa likod sang pagpanglampos sang sansalon sa isa ka persona sa Brgy. Zone 2 syudad sang Koronadal.
Madumduman nga kahapon nga adlaw, nagluntad ang krimen kun sa diin sa ekslusibo nga interbyu sang Bombo Radyo Koronadal kay alyas Tony, isa sa mga nakasaksi sa krimen, yara sa vulcanizing shop suno pa sini ang biktima nga ginkilala kay Jemerias Tuazon, yara sa legal nga edad kag residente sang Domingo St., Barangay GPS, Koronadal City agud kun tani ipakay-o ang iya traysikel sang maabtan ini sang suspek nga si alyas Alexander Perez, yara sa legal nga edad kag residente sang Osita Subd, Koronadal City nga isa ka electrician sa kalapit nga restaurant kun sa diin gulpi na lamang nakaangkon ang mga ini sang pagbinaisay nga nagresulta sa komosyon.
Sa tunga sang mainit nga pagbinaisay, nagkuha suno pa sang tubo ang suspek nga si Alexander kag makapila ka bes ginlampusan sa ulo ang biktima nga si alyas Jemerias nga nagresulta sa pag angkon sini sang madamo nga pilas sa ulo kag halos naligo na ini sa kaugalingon nga dugo.
Wala na suno pa ang mga ini natambagan pa sang mga tawo bangud sa kahadlok sang mga ini nga malamita sa kinagamo.
Dugang pa sang witness nga personal man nga nakakilala sa ila nga madugay na nga may dumtanay ang duha kag posible isa ka alyas Ruby ang ila gin awayan nga anay man may bana apang nag upod kay Jerry apang nakigrelasyon naman suno pa kay Alex.
Tuman naman nga pilas ang naangkon sang biktima bangud sa nasambit nga pagpanglampos sang tubo sa iya ulo kun sa diin kritikal sa gihapon ang kondisyon sini samtang atlarge naman ang suspek.
Samtang, tigayon na nga ginbawian sang kabuhi sa hospital ang biktima.
