TULUNAN, NORTH COTABATO – Ginahibalo pa sa karon ang kabug-usan nga kantidad sang kinahon nga mga peke nga sigarilyo kag katol nga nakumpiskar sang Criminal investigation and detection group ukon CIDG North Cotabato.
Suno sa CIDG-North Cotabato, nakumpiskar ang mga kontrabando sa ginpatigayon nga bagsakan sang mga suspek sa Barangay Sibsib, Tulunan North Cotabato.
Kadungan sini, naarestar ang mga suspek nga sanday Johnny Pacal, 45 anyos, Elfrance Necor 22 anyos nga lunsay residente sang Barangay Bagontapay, Mlang North Cotabato kag Jeffrey Orong 23 anyos nga residente sang La Esperenza, Tulunan, North Cotabato.
Suno sa mga otoridad, nagpatigayon suno pa sila sang operation kontra sa iligal nga droga kag illegal numbers game nga nagresulta sa pagka-arestar sang tatlo.
Nahibaluan man nga nagabaligya ang mga ini sang peke nga sigarilyo kag katol sa kantidad nga 30 pesos kada pakete.
Samtang, ginpanginwala man sang ini ang una na nga naggwa nga impormasyon nga nakig-areglo sila pinaagi sa talatapan sang CIDG apang pagapasakaan na sa karon sang nagakaigo nga kaso.
