KORONADAL CITY – Ginkumpirmar sa karon sang Philippine NAtional Police ukon PNP South Cotabato nga may presensya sang Local Terrorist Group sa probinsya sang South Cotabato.
Sa esklusibo nga interbyu sang Bombo Radyo Koronadal kay Pol Col Joel Limson, hepe sang South Cotabato PNP ginpahayag sini nga may Local Terorist group sa banwa sang Polomolok, Tampakan, Tupi kag mangin man sa Upper Valley Areas.
Suno kay Limson may mga remnants pa si Mohammad Jaafar Maguid Alias “Tokboy” sang Pro-ISIS Terror group nga Ansar Al-Khilafah in the Philippines sa banwa sang Polomolok.
Apang nagagamay na suno pa ang numero sang mga ini kag nagapanago bangud man sa ginapatigayon nga operasyon sang kapulisan kun sa diin pila suno pa sa mga ini ang may standing warrant of arrest.
Madumduman nga sang nakaligad nga semana, nagserbi sang warrant of arrest sa pila ka mga taregt ang mga katapo sang Special Action Force sa nasambit nga lugar.
Sa karon, padayon sa gihapon ang ginaptigayon nga monitoring sang PNP sa nasambit nga mga armado nga grupo agud nga malikawan ang posible nga pag-atake sang mga ini.
