KORONADAL CITY – Nagdangop sa waragwagan sang Bombo Radyo Koronadal ang himata sang isa ka Overseas Filipino Workers ukon OFW sa Jeddah, Saudi Arabi agud nga magpangayo sang bulig nga maka-uli ini bangud sa pagpanakit nga ginahimo sang kasubong sini nga Domestic Helper.
Sa esklusibo nga interbyu sang Bombo Radyo Koronadal kay Raymond Dela Cruz, ginpahayag sini nga ginakulata, ginakagat, gintampa sang tsinelas kag ginaguramos ang manghod sini nga si Rea Dela Cruz, 23-anyos, residente sang Norala, South Cotabato sang upod sini sa isa ka balay nga Ethiopian National.
Halos 1 ka semana na suno pa ini nga ginahimo sa iya kag indi na suno pa sini masarangan ang ginahimo sa iya nga pagpanakit.
Ginpahayag man ni Rea sa pamilya sini nga sa kasamtangan yara sa bakasyon ang iya sini nga amo ka natalana man suno pa nga magpauli sa Agosto 16, 2019.
Bangud sini, luyag nya na lamang nga sini nga makapauli sa Pilipinas bangud madamo na ini sang pilas kag lagob sa iya nga lawas.
Nahibaluan nga yara sa 1 ka bulan kag tunga pa lamang ini nga nagatinir sa Jeddah, Saudi Arabia.
