KORONADAL CITY– Nagpanawagan ang nilibo ka mga bakwit halin sa Maguindanao nga kasamtangan nga yara sa banwa sang Pikit, North Cotabato nga untatan na ang opensiba nga ginahimo nga tropa sang gobyerno.
Nahibaluan nga kadamuan sa mga reklamo sang mga bakwit ang kakulangan sa mga relief goods kag mga undi maayo nga turulugan kun sa diin nagamasakit na suno pa ang mga kabataan kag mga katigulangan.
Malain man suno pa ang buot sang mgga bakwit bangud kadamuan sa mga relief goods nga hatag sang gobyerno ang wala suno pa napadulong sa ila kag sa baylo sa mga nagapakuno-kuno nga mga bakwit.
Bangud sa nasambit nga panghitabo, naakig ang mga Ini kag bilang pagpakita sang pagkadismaya, ginguba sang mga ini ang ila mga tents kag luyag na nga magpauli sa Shariff Saydono, Maguindanao.
Samtang kaangot sini, nagpromisa naman ang gobyerno sang Bangsamoro Autonomous Region in Muslim Mindanao pinaagi kay BARMM minister Naguib Sinarimbo nga magahimo sila sang solusyon sa nasambit nga problema apang nagpanindugan ang Armed Forces of the Philippines nga indi sarang magbalik ang mga sibilyan bangud padayon pa ang airstrike sa mga kuta sang terorista nga grupo mangin man ang paglagas sa mga foreign terrorist nga yara sa rehiyon.
