KORONADAL CITY – Ginbulabog sang bombscare ang isa ka elementary school sa banwa sang Isulan, Sultan Kudarat kaina sang hapon.
Ini ang ginkumpirmar ni Police Lt/Col. Junie Buenacosa, chief of police sang Isulan PNP sa interbyu sang Bombo Radyo Koronadal.
Suno kay Buenacosa, gilayon sila nga nagresponder kag didto natukiban nga ang principal mismo sang D. Lotilla Elemetary School ang nakabaton sang pamahog gikan sa nagpakilala nga extortionist.
Nagpamahog suno pa ang suspek nga kun indi pag-ihatag ang ila nga ginapangayo pagapasigabungan nila ang nasambit nga buluthuan.
Sa karon, nagapadayon ang imbestigasyon sa natabo kag ginakilala ang identity sang mga suspek.
Hugot nga seguridad naman ang ginapatigayon sang mga otoridad upod ang Barangay officials sa nasambit nga lugar.
