KORONADAL CITY– Padayon sa karon ang imbestigasyon sang mga otoridad angot sa nagluntad nga panibag-o nga insidente sang paghikog-patay sang isa ka balo sa banwa sang Tboli, South Cotabato.
Sa interbyu sang Bombo Radyo Koronadal kay Police Major Bernie Faldas, hepe sang Tboli PNP, ginkilala ang biktima nga si Rosita Bensilon Atam, 43-anyos, balo kag residente sang Prk Lugan 3, Brgy Poblacion sa nasambit nga banwa.
Suno kay Faldas, nakit-an na lamang nga nagabitay sa grills sang bintana sang ila nga puluy-an ang biktima kag wala na sang kabuhi.
Base man suno pa sa panaysayon sang mga himata sang biktima, antes paman ang pagsuicide ni Rosita, nagpadala na ini sang text messages sa ila nga kasubong nga nagapamaalam.
Sa karon, isa sa mga ginatan-aw nga motibo sang PNP sa paghikog sang bitkima amuh ang tuman nga depression.
Kun madumduman, sang nakaligad nga adlaw isa ka babaye ang naghikog man sa syudad sang Koronadal kun sa diin selos naman ang ginatan-aw nga motibo.
