KORONADAL CITY- Yara na sa kustodiya sang mga otoridad ang suspek nga ginapatihan nga naglugos kag nagpatay sa isa ka menor de edad sa banwa sang Bagumbayan, Sultan Kudarat.
Ini ang ginkumpirmar ni Police Major Juliusd Malcontento, hepe sang Bagumbayan PNP.
Suno kay Malcontento, gin-arestar na ang suspek nga naglugos kag nagpatay sa 9-anyos nga bata nga babaye sa nasambit nga banwa.
Isa suno pa nga testigo ang nagdangop sa PNP rason nga gilayon nga nagpatigayon sang operasyon ang PNP nga nagresulta sa pagka-arestar sang suspek.
Nagpamalibad naman nga pangalanan ni Malconteno ang suspek kag ang biktima bangud sa nagapadayon pa ang ila nga imbestigasyon.
Samtang, nagpalab-ot naman sang pagpasalamat ang PNP sa mga residente sa lugar agud nga maarestar ang suspek.
Sa karon, natalana na nga magsang-at sang kaso nga rape with homicide ang suspek.
