-- ADVERTISEMENT --
KORONADAL CITY – Nagapadayon ang imbestigasyon sang mga otoridad sa nagluntad nga magkasunod nga pagpangluthang sa siyudad sang Tacurong.
Sa interbyu sang Bombo Radyo Koronadal kay Police Lt. Col. Joefel Siason, hepe sang Tacurong PNP, ginkilala sini ang mga biktima nga sanday Erickson Aramico, yara sa legal nga edad kag residente sang Barangay Poblacion, Tacurong City kag Noroden Dinding, yara sa legal man nga edad, isa ka electrician kag residente sang Barangay Poblacion, Buluan,Maguindanao.
Suno kay Siason, separar nga lugar ang ginluntaran sang insidente kag nagapadayon ang imbestigasyon sang mga otoridad.
Ginahibalo man ang motibo sa pagpangluthang sa mga biktima.
