KORONADAL CITY – Nagapadayon ang imbestigasyon sang mga otoridad angot sa panibag-o naman nga insidente sang paghikog diri sa siyudad sang Koronadal kadungan sang pagsaulog sang Father’s Day.
Sa interbyu sang Bombo Radyo Koronadal kay Brgy Topland kagawad Teodico Peliño, isa suno pa ka lalaki nga Grade 7 student nga ginkilala kay alyas Josen ang biktima sang paghikog.
Suno kay Peliño, nasapwan na lamang nila ang biktima takna alas 5 kahapon nga nakabitay sa karenderya sa atubang mismo sang BPATS center sa ila barangay plaza kun sa diin gin-usar ang isa ka tiebox agud ihigot sa iya liog.
Nahibaloan nga nagaisahanon lamang ini sa ila balay ilabi pa nga yara sa abroad ang iya amay.
Sa subong ginahibalo ang rason sang paghikog sini, apang wala man ginapaiway ang motibo nga may problema ini nga ginapangatubang.
Ini na ang ikalima nga insidente nga natabo sa probinsya sang South Cotabato humalin sang nagligad nga bulan sang Mayo
