KORONADAL CITY– Lubos nga ginkadismaya sang pamilya ni Captain Marbel matapos maguwa ang report nga napatay na suno pa ini.
Sa interbyu sang Bombo Radyo Koronadal kay Kenneth Celera Duremdes nga mas kilala nga Captain Marbel kag kasamtangan nga Commissioner sang Maharlika Pilipinas Basketball League ukon MPBL, ginpahayag sini nga wala sang kamatuoran ang mga naguluwa nga balita nga ginbawian na ini sang kabuhi sa Toronto, Canada.
Suno kay Duremdes, isa ka malisyoso nga impormasyon ang nagpaguwa sang nasambit nga report.
Mangin ang pamilya sini ang lubos man nga naakig sa nasambit nga “fake news”.
Sa subong, wala pa sang ihibalo si Duremdes sa kun sin-o ang yara sa likod sang nasambit nga impormasyon apang desidido ini nga magpasaka sang nagakaigo nga kaso batuk sa responsable sa pagpalapta sang sala nga balita.
Nahibaluan nga si Duremdes ang isa ka retirado nga professional basketball player sang Philippine Basketball Association kag anay PBA Most Valuable Palyer sang 1998 kag former member sang Philippine National Basketball Team.
