KORONADAL CITY-Naglab-ot sa kapin 30 ka indi lisensiyado nga armas ang boluntaryo nga ginsungka sa mga otoridad sa Isulan, Sultan Kudarat.
Suno kay Col. Efren Baluyot, commander sang 1st Mechanized Infantry Brigade, ginsungka sang mga residente residente sa nasambit nga lugar ang ila nga mga armas sa bulig sang mga local offcials kag kapulisan.
Ang nasambit nga mga armas ang ginlakipan sang assault rifles, mga shotgun, caliber pistol kag 40 millimeter grenade projectiles.
Nagpasalamat naman ang mga otoridad sa ginhimo sang mga residente bangod kay dako nga bulig ini agod nga mapasiguro ang malinong nga eleksyon sa Lunes.
Nahibaluan nga ginatos ka mga loose firearms na ang ginsungka sa probinsiya sang Sultan Kudarat pila ka adlaw antes ang midterm election.
