KORONADAL CITY- Blangko pa ang mga otoridad sa nagluntad nga ambush sa Cotabato City nga ginkapatay sang isa ka Bangsamoro Autonomous Region in Muslim Mindanao o BARMM Human Rights worker kag isa ka habal-habal driver.
Sa eksklusibo nga interbyu sang Bombo Radyo Koronadal kay Police Colonel Michael Lebanan, Cotabato City Police Director, ginkilala ang mga napatay nga sanday Archad Ayao, 28 anyos, residente sang Poblacion 6, Cotabato City, empleyado sang Bangsamoro Regional Human Rights Commission kag isa ka Pio Orteza, 42 anyos, nga driver sang motorskilo nga ginrentahan kag ginsakyan ni Ayaw.
Nagluntad ang krimen sa Barangay Rosary Heights 4, Cotabato City samtang nagabyahe ang mga biktima sa atubang sang Cotabato City Engineering District Office kun sa diin ginpangluthang ang mga ini sa ulo sang wala pa matumod nga mga gunmen nga gilayon mag nagpalagyo sakay sa motorsiklo.
Gilayon nga gindeklarar nga dead on arrival ang BARMM Human Rights worker nga si Ayaw mangin ang driver kun sa diin ginkondinar naman sang BARMM government ang nasambit nga krimen.
Nahibaluan nga si Ayao ang nagtrabaho man bilang isa ka TV reporter antes nangin empleyado sang Bangsamoro Regional Human Rights Commission.
