KORONADAL CITY– Nasorpresa ang masobra 300 ka mga bus kag van drivers lakip na ang mga konduktor sa ginpatigayon nga Operation Huli Week sang Philippine Drug Enforcement Agency o PDEA 12, PNP, LTO kag LTFRB sa Koronadal City Public Terminal.
Nahibaluan nga ang Operation Huli Week ang isa ka random kag surprise nga drug test sa mga driver kag konduktor nga nationwide nga ginapatigayon kadungan sa padagsa sang mga pasahero subong nga semana santa.
Suno kay PDEA 12 spokesman Kath Abad, sa masobra 300 nga ginpaidalom sa surprise drug test, isa ang nagpositibo nga ginpaidalom pa sa counseling kag confirmatory drug test kun sa diin sa oras nga makumpirmar, pagakakasan sang lisensiya kag igapaidalom sa treatment ukon community based rehabilitation, depende sa pagkalulong sa iligal nga droga.
