41 ka close contact sang kumpirmado nga kaso sang mpox, gin-quarantine

Gin-quarantine na sang Quezon City government ang 41 ka mga natumod nga mga indibidwal nga close contacts sang 33-anyos nga persona nga nagpositibo sa mpox.

Suno kay Mayor Maria Josefina Belmonte, natukiban nga nagpadulong sa isa ka dermatology clinic kag massage spa sa E. Rodriguez Avenue sa Quezon City ang pasyente nga positibo sa mpox.

Sa karun naka quarantine na ang mga close contacts agud malikawan ang paglapta sang virus.

Nahibaluan nga nakumpirmar ang nasambit nga pinakauna nga kaso sa Pilipinas subong nga tuig pila ka adlaw matapos gindeklarar sang World Health Organization (WHO) nga isa na ka global health emergency ang amo nga balatian.